У Палацы культуры 6 сакавіка адбыўся Дзень праваслаўнай кнігі пад дэвізам «500 год Бібліі Францыска Скарыны: ад святых Кірыла і Мяфодзія да нашых дзён».
У выставачным фае працавала выстаўка рэдкіх рукапісных і старажытнадрукаваных кніг, анцімінсаў са збору царкоўна-археалагічнага музея Мінскай духоўнай семінарыі, кніг з фондаў Выдавецкага савета Беларускай праваслаўнай царквы і іншых праваслаўных выдавецтваў краіны.
У малой зале адбылася ўрачыстая частка. З прывітальным словам выступіў епіскап Маладзечанскі і Стаўбцоўскі Павел. Навукова-гістарычны экскурс: «Слова Божае для людзей – скрозь вякі да нашых дзён» правёў дацэнт Мінскай духоўнай семінарыі, кандыдат багаслоўя, протаіерэй Георгій Сакалоў. Завершыў мерапрыемства канцэрт з удзелам царкоўных хораў і творчых калектываў г.Маладзечна.
У рамках мерапрыемства прайшла акцыя «Добрае сэрца» ў падтрымку 12-гадовай Віялеты Банковіч — дзіцяці з цяжкім генетычным захворваннем. У фае Палаца была арганізавана невялікая выстава малюнкаў Віялеты.
(измененный текст из «Молодечненской газеты»)
(23)
Свежие комментарии